November 26, 2016

Sdang ka semifinal ka Super 4 Football Tournament

by Wyrta Staff

0 Comments

Advertisement ad1

Jowai : Ka 1^st Evening Super 4 Football Tournament 2016 da poi ko cha ka yakhun semifinal ynnin ka 25 tarik.

Ha kani ka yakhun semifinal wa nyngkong da pynman heipor 6 waje i miet ha ka madan Basketball wa em ha rood ka madan Jrisaleiñ.

Ka Cham Cham United FC da yaleh pyrchah ko ya ka J United heiwa ka Cham Cham da jop suk ko da 8-2.

Ka Cham Cham sdang ko u thap kool nadooh ka minit wa 4 lyngba u Ewanmi Da-u-ni Lakiang, pynbood sa u Damehi Syih uwa thap 4 tylli ki kool ha ka minit wa 17, 32, 36 wa 43, u Mayalang Lanong da yoh u thap ar tylli ki kool ha ka minit wa 20 wa 50 wa u Marsan War wa thap ha ka minit wa 39.

Ya ki kool ka J United da thap da u Arkiru Laloo ha ka minit wa 8 wa u Da-u-ni Sakhiat Dkhar ha ka minit wa 42.

Ya ka semifinal wa ar u pynman myntu ka 26 tarik ha pyrdi ka CK United wa ka Fantasy heipor 6 waje i miet