Ka Shillong Lajong da ye ko wow lait nei rem hadien wa chah thap ar kool ha ka Churchill Brothers ha ka yalehke ka I-League 2024-25 kawa da pynman ha SSA Stadium, ynnin i miet.
Ka Churchill da yoh ko wow thap nyngkong lyngba u Wayde Lekay ha ka minit wa 14 wei da thap biang hadien 7 minit lyngba u Lekay hi.
Hanla kattæ leh, ka Lajong ym em ieh jem ko wei deiwa kyrchaan ki paidbah wa boon da yoh ko wow su kyngong ha ka minit wa 35 lyngba Douglas Tardin.
Ka kool wa ar ka Lajong da wan ko ha ka minit wa 50 lyngba u Renan Paulino De Souza yow pynkut ya ka yalehke da 2-2 yow yoh mar chi Point.
Ka Lajong kattu u yachem ko wa ka Dempo SC ha kani ka 30 tarik heipor 7:00 waje i miet ha SSA Stadium, Shillong.
Discussion about this post