U Secretary ka Department of Food and Public Distribution, u Sudhanshu Pandey yong ka Ministry of Consumer Affairs, Food & Public Distribution ha ka 5 tarik da wai u ya ka ‘Common Registration Facility’ lyngba ka Website https://nfsa.gov.in lane deiwa lai ha https://nfsa.gov.in/sso/frmSSOUserRegistration.aspx kam wow pyrchang chwa ha ki 11 tylli ki jylla wa ki UT wa kynthup ya ka Assam, Goa, Lakshadweep, Maharashtra, Manipur, Meghalaya, Mizoram, Nagaland, Punjab, Tripura wa Uttrakhand.
Kani toh wow yaleh Card Rachon lyngba ka Website neibynta kini ki 11 tylli ki jylla/UT yow chim yei pyrtuid wa kiwi de wa emkaam yow em pyrtuid ki hapoh ka NFSA iwa daw kynthup lang ya kitu kiwa sah cha kiwi ki jylla. I thong toh wow tipmit chwa ya kitu kiwa ye u yoh myntoi hapoh hapoh ka NFSA wei ini chong ko hadooh katwon booh thong ki jylla wow e Card Ration.
U Pandey da ong u ini toh du wow yarap ya ki jylla/UT wow pyndep ki u thap pyrtuid hapoh ka NFSA wei kani ka Website daw yarap ko wow pynryntih yei rukom pynlang pynlum yei pyrtuid wa kiwi de wa toh u tip chaphang kiwa yoh myntoi.
Ka National Food Security Act, 2013 (NFSA) toh kawa pyntikna wa dap baam ki bru heiwa da booh wow em 81.35 klur ngut kiwa yoh myntoi hapoh ka ri.
Ki bru hapoh ki jylla/UT kiwa toh u em hapoh ka NFSA (wa kynthup ya ki manyung ka AAY) da klam che hapoh ka Targeted Public Distribution System (Control) Order, 2015 kani ka chnat wa da pynmih hapoh ka National Food Security Act, 2013 (NFSA). Katni hapoh ka NFSA da em 79.74 klur kiwa yoh myntoi na ka 81.35 klur kiwa da booh.
Kamtæ da phah ya waroh ki jylla/UT wow pteiñ ki u thooh ya kitu kiwa em hok u yoh myntoi wym toh u chah ieh mylliñ uwon uwon hapoh ka NFSA yow em ki hapoh ka AAY/PHH katkam wa toh u em ki yow poi cha kani ka thong wa 81.35 klur ngut wei wow pyndam yei pyrtuid yong kitu ki wym hok u yoh ya kani.
