Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4th Kyrmen Shylla Contribution Trophy da sdang ya ka ynne ka sngi da ar tylli ki yalehke.
Ha ka yalehke wa nyngkong, ka Sutnga SSCC da jop ko da 1-0 ya ka Chiehruphi SYWSC da ka kool wa thap u Raplangki Lyngdoh ha ka minit wa 48.
Ka yalehke wa ar da kut ko da 1-1 hapyrdi ka R. Iawpynsing SC wa ka Thangskai Tiger SC.
Ya ka R. Iawpynsing da thap da u Hesmiki Rymbai ha ka minit wa 5 katwa ya ka Thangskai Tiger da thap da u Pynthymme Rymbai ha ka minit wa 19.
Ya kani ka Super Division da wan wow wai da u Grimlang Dkhar uwi na ki waheh ka thaaiñ Elaka Narpuh kam u kongsan wa u Streamly Nongjop Suchen, President ka KSU East Jaiñtia Unit kam u symbood kongsan ryngkat kiwa kitkaam kamjooh ki dkhot ka EJHDFA wa ki waheh chnong yong ka District deilang wa ki bru bna naam ka thaaiñ East Jaiñtia Hills.
Ki yalehke wa bood u pynman mynstep ar tylli:
R. Shkenshynriah SC Vs Dhana SC (11:45 AM)
Ladrymbai-B SC Vs Khliehriat West YWSC (2:15 PM)
Discussion about this post