Jowai: Ynne ka 7 tarik da wai pyrda yaka Saipung Block Sports Association Super Division 2019 da u Barnabas Nangbah kam u kongsan hei emlang kam ki symbood kongsan u Jespar Slong wa u Justice Lyngdoh (waheh chnong Rymbai).
U kongsan hei klam yong oo da pynchlur u ya kiwa yalehke wow chimbynta ha ki yalehke Sport, yow lait ki na ki kaam wa sih ha kani ka pyrthai. Da pynchlur u leh ya ki khynnah khian wow pynmyllien ki wow yalehke nadooh dang khian yow yoh ki u psiah cha ki chlem sikai yaleh bol namo ki Sports Academy waphær waphær hapoh India kam ka Bhachung Bhutia Academy khnang wa ki bei ki kpa yong ki u lait ki na i su bai skur bai kot ya ki.
Da sdang ya kani ka lympung yalehbol daka yalehke heipor 11:30 i step hapyrdi ka Jalapher Bri Sumer pyrchah yaka Tluh SC heiwa ka Jalaphet Bri Sumer da jop ko da 1-0 da kool wa thap u Rimitre Dkhar.
Ha i por 2:30 i sngi, ka Pala SC da yachem ko waka Narwan SC heiwa ka Pala da jop ko da 1-0 lyngba ka kool wa thap u Jimmy Bareh.
Discussion about this post