15 49.0138 8.38624 1 0 4000 1 https://wyrta.com 300 0

Sdang ka SURE chirup wa ka SIDBI ya ka esikai Beautician Training wa le bnai

0 Comments
Advertisement ad1

Jowai: Ka Society For Urban & Rural Empowerment (SURE), dei yoh yarap na ka yungkrehkaam ka Small Industry Development Bank of India (SIDBI) da pynman ko ya ka Inauguration Programme neiynta ka Beautician Training ka wow pynman le bnai, wei ya kani ka programme da wan chimbynta da ki khyllood na kylleiñ ki chnong ka ri-loom Jaiñtia, nadooh na Ummulong, Wahiajer, Mustem, Muthlong, Moopala, Mynsngad, Thadsning, Mynthlu Wapung, Sutnga, Sakhain wa kamjooh leh na sor Jowai.

Ya kani ka programme sdang da pynlai da ka Aitilut Kyndait kawa da pdiang sñiawbha ya yaroh ki khyllood kiwa em ha kani ka programme heiwa da khana ko kajiak ya ka parom yong ka SURE kawa da sdang nadooh u 1995.

Ha kani ka programme da yoh i klam na u Secretary ka SURE, u Rev H.H. Mohrmen uwa da khana ya ki kaam wa ka seiñ da leh ko hadooh katni chirup wa ka NABARD, NULM, NEDFI, ADB, ryngkat wa ka SIDBI.

Da e mynsien u leh ya ki khyllood wa wan chim bynta ha kani ka esiaki kammon wow ye ki wow sdang dei yong ki i khih lyngba ki SHG, deiwa kyntu leh ya ki wa ymhoi u yang ki du kat wow yoh kreh sorkar.

Da yoh leh yei klam na ka Barachel Ladia, kawa man kam ka Master Trainer neibynta kani ka kaam heiwa da ong ko wa kam ki khyllood toh u chim kabu ki ya kam kini ki laad.

Khaddooh da pynkut ya kani ka yalang da ki kyntien e khublei na ka Dedidakami Mohrmen.

Advertisement ad1

0 Comments

Leave a Reply