Ka Lion Sport & Youth Affairs (LSAYA) ynne ka sngi da sdang ko ya ka 1st T10 Tennis Ball Knockout 8-A-Side Cricket Tournament kawa wan wai da u Dr. M. Nongpluh kam u kongsan.
Ha kani ka lympung da wan wow chimbynta da 19 tylli ki dhab (Team) wei ka yalehke man ko 10 Over chiliang deiwa em mar 8 ngut chiliang kiwa yalehke.
U kongsan ha kani ka sngi hawa e yei klam da pynchlur u wow chimbynta ha ka yalehke Cricket neibhah i su ya kiwa yalehke kiwa da ye u chimbynta ha ki kyrdan wa da heh ka ri man ko kawa heh chiboon chah hawa nujor wa kiwi ki jait yalehke hapoh ka ri.
Ya ka yalang wai ya kani ka lympung yaleh Cricket da pynlai da u President ka LSAYA, u Donkupar Syngkrem deiwa emlang leh ki waheh ka Lion Mission Compound Dorbar Chnong deiwa sakhi lang u A. Andrew Shullai, MDC wei da yoh yei ngoohblai na u Sankit Shylla.
Ynne ka sngi da sdang ya ka yalehke hapyrdi ka Lion Sport & Youths Affairs waka We Sport heiwa ka We Sport da jop ko ya ka kylla-khlem wei da jied ko wow kawang bol chwa.
Ka LSAYA da lai ko wow kamai 66 Run deiwa dooh 6 Wicket. Ka We Sport da ye ko wow kdong ya kani ka thong deiwa dooh 3 tylli ki Wicket wa da ye ki wow leh hapoh 6 Over deiwa kamai boon dooh u K. Bareh da 33 Run (Not Out).
