Ka 2nd Veteran Knockout 40 Above Football Tournament wa pynlai da u Marlangki Suting da sdang ko ha ka 13 tarik deiwa em le tylli ki yalehke.
Ha ka yalehke wa nyngkong, ka Daia Ryntihlang da jop ko ya ka Snohktilang FC da 3-1.
Ha ka yalehke wa ar, ka Porto FC da jop ko ya ka Tyllilang SC da 3-1.
Ha ka yalehke wa le, ka Kyllumlang FC da jop ko ya ka Thadlaskien Veteran da 4-1.
Ya kini ki yalehke da pynman ha Wahiajer Mini Stadium, wei hachwa u sdang ka yalehke, da em ka yalang wa tbian wa pynlai da u Dauni Phawa heiwa da yoh yei klam na u Marlangki Suting uwa da khana yei thmu yong kani ka Tournament kawa man kam chibynta u kynmoo warom ya u pa yong oo u (L) Romiwell Ryngkhlem.
Da wan wow wai ya kani ka Tournament da u G. Kharumlong kam u kongsan.
Waroh ki Team wa da wan chimbynta da em ki 24 tylli na kylleiñ ka ri Khasi Jaiñtia.
Ki yalehke wa bood daw pynman ha ka 27-06-26:
Shynnam FC Vrs 12 Daloi FC heipor 11:00 AM
Rympei Pip Vrs Mawshynrut Veteran FC heipor 1:00 PM
Smit Veteran Vrs Friendly FC heipor 3:00 PM
Discussion about this post