Ki dkhot ka 108 Ambulance Service Workers’ Union, MEMRI Workers’ Union (MEMRIWU), da sñiawsih ki yeiwa slem ka sorkar wow jubab wei wym mano u Health Minister, hajrong i dawa wa sahteiñ yong ki.
Kam ka dak i pyrchah da pyndait ya ki lama rong yong ha ki 108 Ambulance ha waroh kawi ka jylla.
Ka seiñ da kdaw ko wa ka 108 Ambulance Service da chakri ko da palat 18 snem wei i em Ambulance leh ym em kylla i wot hapyrdi wa dang boon ki bru wei i dawa yei chakri wa jhan leh dang ku i.
Kawi na ki mat dawa ka seiñ toh wow dam u e pynlai ya ka 108 Ambulance Service cha ki Private Company neibhah ki Company kreh ki wow yoh nong donhi iwa ktah ya kiwa kreh kamjooh i chakri.
Ka Union da dawa ko leh wa waroh kiwa kreh 108 toh u thung kreh noh ya ki kam kiwa kreh pura ka sorkar wei u pynlai ya ka Ambulance Service pyn da ka sorkar hi.
Da kyntu leh wow pynku ya ki kari 108 Ambulance ha ka jylla waroh kawi.
U President ka Union, u Roypar Kharraswai da ong u wym em booh por wow pynkut yei yakhih heiwa da yooluti wow yachem wa u Principal Secretary ka Health Department wa u Chief Minister deiwa maham wa lada ym leh ka sorkar yeiwa emkaam daw pynman ko yei yakhih wa joor.
Discussion about this post