I kaam pyrchah aiñ wa da sdang ha Jowai ha kini ki sngi toh deiwa tooh ya ki Battery ki kari wa pynyieñ cha rood sarok iwa da jia wot heipor sngi.
Na kiwa da pyntip cha u Wyrta uwi da chah tooh Battery u heipor sngi hei thaw pynyieñ kari ha Kynroohsaphlang hajan ka madan ka Marian Hill School, Jowai heiwa u tre da sñiaw khyrngiat u wa ini da jia wot heipor sngi wa em ki bru wa lai wa wan hadooh wym em kiwa suba.
Sa iwi wa da jia toh ynne i miet heipor 7:00 waje haroh heiwa kawi ka kari wa pynyieñ ha rood sarok ha Chutwakhu, Jowai leh da jia i jooh wa chah tooh Battery wei heini i por ki bru wa lai wa wan leh dang boon ki.
Hawa yaklam wa u tre da ong u wa da chem ya uwi u dieñ wa stang ha tre ka dwar kari uwa da pynemkaam kini ki bru wow wai yaka dwar kari yow ye u wai sa yaka Bonnet ka kari wei da sai ki leh du ya u Battery donhi.
Waroh ar kini ki kari toh ki Maruti 800 wei da suba wa kini ki bru ye ki wow emlang kamwa ar ngut yow suk u kit ya i Battery.
Discussion about this post