theme-sticky-logo-alt
theme-logo-alt
Advertisement ad1
Advertisement ad1

Sdang ki skur wow pynman ya ka Fit India School Week

Advertisement ad1
Advertisement ad1

Ka Ministry of Education, Department of School Education & Literacy yong ka sorkar India, kam chibynta i dak yong i lehkmen lehwarom Azadi Ka Amrit Mahotsav da hukum ya ki skur ha kylleiñ ka ri wow chimbynta ha ki yalang waphær yong ka Fit India School Week kawa da elaad ya ki skur u pynman nadooh ka 14 Khonchonglad wei u pynkut hadooh ka 12 Kmaichonglad 2021. 

Kamtæ ka Chilliangraij SSA Upper Primary School, Jowai ha ka thong yong ka Fit India School Week, ha ka 25 tarik da sdang ko u pynman ya kani ka Fit India School Week heiwa kam ka dak i sdang da em ka yalang yahkhmat wa tbian hei pynlai ka Handakaru Iakai, Head Teacher chirup i sakhilang ki manbei wa ki dkhot ka School Managing Committee.

Advertisement ad1

Ka Handakuru Iakai ha ka thong yong ka Fit India School Week da kyrsu kyntu ko ya ki khynnah wow man kiwa maya yei doh i pran samen dei wow imsngi mietsngi u pynwyrngia ha ki kaam wamiat wabha khamtam, i chimbynta ha ki yalehke wa boonjait boon rukom neibynta wow yoh yei chait i khiah.

U Oriland Shylla, General Secretary Dorbar Chnong Chiliangraij hei e kyntien ha kani ka sngi da khut u ya ki khynnah skur wow pynlait yumut wei wow pynkrehkaam yeiwon iwon iwa sikai wa da yoh na ki por cha ki por lyngba kiwa sikai wa kiwi ki bru chemphang heiyatoh wa ki yalang waphær kiwa ki bor sorkar na Delhi phah ki wow leh wei i chimkhia yong kiwa pynlai skur wow pynmyllien ha ki kaam wabha yarap ki leh u saiñdur saiñdar yei longbru manbru wa miat wa bha wei wa chait wa khiah.

Chooh chooh ha kani ka sngi hei yahkhmat ka Handakaru Iakai, Headteacher da em leh i puræ ya ki kyntien kular ka Fit India Pledge heiwa da chimbynta da waroh kiwa emlang ha kani ka sngi. 

Share this:
Previous

Pdiang dkhot ka IRCS ya 20 ngut ki khynnah ka Modern Secondary School Ialong

Next

Sdang ka lympung yalehbol ka Seiñ Kur Dkhar