theme-sticky-logo-alt
theme-logo-alt
Advertisement ad1
Advertisement ad1

Sdang ki waheh chnong ka Jowai wow yakhih dawa kit noh yei jhep

Advertisement ad1
Advertisement ad1

Kam i dak wow pyrchah yei wym mano ka sorkar u kyrriah yei jhep na waroh ki thaw wa da pynlang hapoh ka chnong Jowai. Ka Synjuk Waheh Chnong Jowai ynne i step da pynman ki ya ka rah Placard wa i lai paidbah cha ki thaw wa lang ki jhep ha ki thaw wa pynman yaw ha Jowai yow dawa pynyoh thaw noh-jhep kamjooh wow kit noh ya ini i jhep wa da neh khlem kit da slem bha kattu.

I pyrchang ki bor District kamjooh ka sorkar wow pynbait ya ini i kaam da tyngkhooh ko ha kiwa boon ki chram nadooh wa pyrchah ki chnong wa em hajan i thaw noh-jhep wa em ha Mynkjai kiwa ynnin ka sngi da mih paidbah ki wow pyrchah yei thmu wow pteiñ yei noh-jhep ha Mynkjai sa kamwa 6 bnai kat wym pu yoh yei thaw wa thymme.

Advertisement ad1

Ini wa dep da em leh i pyrchang ka Jowai Municipal Board wow li noh jhep cha Lamyrsiang, EJH iwa da pyrchah da ki tre thaw neibhah ym em da pyntip wei ym em yoh bor na ki. Hadien wa i pyrchang noh-jhep cha Marten leh da wanrah i yei pyrchah ki paidbah.

I thooh yei thaw toh iwa dang pteiñ hi heiwa ka Jowai Municipal Board da pynmih Notice ko ynnin ka 9 tarik wow pyntip wa thooh thaw ko wow thied lane lada em ki bru kiwa kwah wow tyrwa yei thaw yong ki wa ye ki wow wan chakhmat deiwa rah lang wa ki kot ki sla wa biang ha lane chwa ka 15 tarik uni u Naikhynde.

I thaw toh u man i iwa heh 50 Acre, iwa jngai 500 meter na ka wah lane 200 meter na ka nan wa 5 Km na u sarokbah, ki chong bru wa kiwi kiwi.

Share this:
Previous

Chah khang ki dukan wa em ha Mawlai Nongkwar wym bien kiwa chongdai wow chah Test

Next

La san sngi boon da kiwa chait ya kiwa dang yoh COVID-19 ha Meghalaya