Shillong: Ki 6 tylli ki dhab da embynta ki ha ki yalehke wow sdang yaka samoi wa thymme ka Meghalaya Baby League (MBL) ynne ka sngi ha Third Ground, Polo deiwa wan pynchongchit kiwa kyrchaan wa wan ma kiwa ha yung ha sem kiwa chimbynta.
Ha kani ka samoi wa ar ka MBL da em 12 tylli ki dhab hapoh ka Shillong Centre, kawa da yabhah haka Western wa Eastern Conference, heiwa waroh ki yalehke yong ynne ka sngi toh yong ka Eastern Conference, heiwa da em leh ka Langsning Greenergy Lions, Kickstart FCC Rhinos, Unified Gorkha Gators wa ki dhab wa thymme ka Shillong Lajong Coyotes, Titan Otters Football Academy wa Mawkhar Roosters SC.
Ha kani ka sngi sdang da wan sakhi ya ki yalehke da ka All India Football Federation General Manager ka Swati Kothari, u Meghalaya Football Association President u Larsing Ming Sawyan wa kiwa mihkhmat ka Tata Trusts.
Ha ki yalehke hapyrdi ka Otters waka Shillong Lajong Coyotes da kut ko mar ar kool. Ki Otters won da jop ki hapoh ka kyrdan U-8 wa U-10 da 6-0 wa 5-2, katwa ka Lajong Coyotes won da jop ko haka U-11 wa U-12 da 4-2 wa 5-2.
Ka Kickstart FCC Rhinos won da jop ki ha waroh 4 tylli ki yalehke yong ki pyrchah yaka Unified Gorkha Gators, kamjooh ka Langsning Greenergy Lions kawa da jop ha waroh ki yalehke pyrchah yaka Mawkhar Roosters.
Ki dhab ha ka Western Conference daw yoh ki wow chimbynta haka tayaw wow wan heiwa kiwa ki dhab wa em hapoh kani ka Conference toh ka Pay for Right Flying Squirrels, Touchline NE Cubs, Onsides Gibbons, Mawlai Raptors, JNS Jaguars wa Nongthymmai GC Scorpions.
Ki pyrtuid kiwi ki dhab wow chimbynta ha kiwi ki bynta ka jylla daw pynbna chwa ki sngi wow sdang ki yalehke.
Discussion about this post