15 49.0138 8.38624 1 0 4000 1 https://wyrta.com 300 0

Mynjur ka Rajya Sabha yaka UAPA Bill, ka sorkar yei ko wow pynbna ya ki bru samen kam u Terrorist

0 Comments
Advertisement ad1

Jowai: Hapyrdi i pyrchah na kiwa yahkhmat ka liang pyrchah yow phah ya ka Unlawful Activities (Prevention) Amendment Bill, 2019 cha ka Select Committee, ka Rajya Sabha ynnin ka sngi da mynjur ko ya kani ka Bill da 147 Vote kiwa kyrchaan katwa 42 ngut kiwa pyrchah.

U Home Minister u Amit Shah, heipor wa chong phyllu yumut chaphang kani ka Bill da ong u wa ki kaam Terrorism ym em niam ki wei waroh ki dkhot ka Lok Sabha toh u pynyoo ki yei kyrchaan ya kani ka Bill yow em ka aiñ kawa khlan wow leh pyrchah ya ki kaam Terrorist. Da ong u leh wa kani ka aiñ ym tynkheiñ ko ya ki hok man bru namo ka Human Rights, u Shah da ong u leh wa em soo kyrdan wow sylli yow pynsakhiat ya kiwa da suba hapoh kani ka Bill.

Neiliang uwi u heh ka Congress u P Chidambaram da pynbad u ya ka sorkar wa i pynkylla wa da em hapoh ka Bill toh du wow e bor chooh chooh ya ka National Investigation Agency (NIA). Da ong u leh wa ki bru wa emkti ha ki kaam pyrchah aiñ kamjooh ki Terrorist nadooh nachwa da em ki hapoh kani ka aiñ.

U Chidambaram da pynsñiaw u yei khuslai deiwa ong wa kattu uwon uwon u bru ye u chah pynbad hapoh ka kani ka aiñ du na iwa ngait ka sorkar wa embynta ki ha ki kaam Terrorist. “Lada ka sorkar pyrdi ngait ko wa uwon uwon u bru emkti u ha ki kaam Terrorist manda chah pynmih pyrtuid u ym em ka FIR, ka Chargesheet, ym em ka chah bichaar da ka yung bichaar wei kammon du wow pynmih pyrtuid ya ki bru du neidaw wa suba donhi,” da ong u Chidambaram.

Kamtæ neiliang yong oo da tyrwa u wow phah ya kani Bill cha ka Select Committee, neidaw daw chah ktah joor ya ki bru lada man aiñ kani ka Bill.

Hawa jubab ya iwa kylli u Chidambaram, u Shah da ong u wa ka liang pyrchah da sñiawthooh bakla neibhah ya kani ka Bill ye u pynemkaam da ki jylla wa ka NIA. U Shah da ong u, “Na ki 278 ki Terror Cases wa da chimkti ka NIA, da Charge sheet 204 tylli ki Case, 48 na 54 tylli ki Case da dep bichaar wei da pynchitom ya kiwa emkti wei ini pynyoo wa ka NIA leh bha ko yei kaam yong ka.

“Ki bru samen leh ye u pynbna ya ki kam ki Terrorist lada leh ki ya ki kaam, i yarap wei wow pynchlur ya ki kaam Terrrist,” da ong u Shah.

Advertisement ad1

0 Comments

Leave a Reply