Sdang ki yalehke ki kynthai ha ka Subbroto Cup ka West Jaiñtia Hills

Ka Inter School Football Tournament kam chibynta ka Subroto Cup 2022 ka West Jaiñtia Hills District, da poi ko cha ka sngi wa san deiwa pteiñ ya ki yalehke ki Under-14 Boys wei da sdang leh ya ki Under-17 Girls.

Ynne da pynman 4 tylli ki yalehke ki Under-14 Boys wa ar tylli ki Under-17 Girls.

Ha ka Under 14 Boys:

Ka Mihmyntdu Secondary School da jop ko ya ka Shangpung Govt. UP RMSA da 4-1.

Related posts

MSL 5: Jop ka Khimusniang ya ka Mawshun

April 21, 2026

MSL 5: Jop ka Nongkseh da 13-0 ya ka Umkaber

April 20, 2026

Ka Padu Secondary School da jop ko ya ka Don Bosco Secondary School Mihmyntdu da 10-0.

Ka Adventist HS School da jop ko ya ka Achievers Secondary School Ummulong da 3-0.

Ka St. Claret Secondary School Phramer da jop ko ya ka Moodymmai Secondary School da 2-0.

Ha ka Under-17 Girls:

Ka Pdengshakap Secondary School da jop ko ya ka Sawlyngdoh HS School Mowkaiaw da 2-0.

Ka Moodymmai Secondary School da jop ko ya ka St. Claret Secondaty School Phramer da 2-0 lyngba ka yachut Tie-Breaker.

Ki yalehke u pteiñ ki haka 14 tarik da ki Pre Quarter Final ka Under-17 Boys heiwa ka Govt. Boys HS School daw yachem ko waka Adventist HS School, ka North Liberty HS School daw yachem ko waka Sawlyngdoh HS School, ka Amwai Jarain Secondary School daw yachem ko waka St. Claret Secondary School, ka Marian Hill HS School daw yachem ko waka Lumpyrtuh Secondary School katwa ka Ummulong Presbyterian HS School daw yachem ko waka Ialong Secondary School.