Ka dan wa 50% wa pynkrehkaam ka USA hajrong ki mar na India da sdang krehkaam ko nadooh ynne i step heipor 9:30 heiwa ki bru chemphang da maham ki wa daw chdit ko ya kiwa khayi pateiñ wa katai ka ri.
Katkam ka Global Trade Research Initiative (GTRI), ka dan ka USA u ktah ko ya ki mar wa chalan ka India hadooh $60.2 Billion wei kini ki mar kynthup ki ya ki that ki sula, ki mookordor, ki carpet, i ksiar i rupa wa kiwi wei daw ktah ko ya ki phaw lak ngut ki bru.
Da ong leh wa lada neh ka dan kamni i chalan na India daw hiar i da $49.6 Billion ha u snem wow wan.
Kam wow kdaw heini u President ka US, u Donald Trump da maham u ya ka India wow sangeh u thied phñiang na Russia deiwa kam wow kut noh ka thma ha Ukraine wei da pynku u ya ka dan khnang wow pynbor ya ka India.
Neiliang ka India won da ong ko wa i dor i phñiang toh iwa da yoh jemdor dooh ha ka pyrthai i wow pynmyntoi ya ki paidbah ka ri wei wa ki ri ka Europe hadooh kini ki sngi dang chaniah hi ki ha ka Russia neibynta i phñiang.
Discussion about this post