Jowai: Ki dukan wa em ha Jowai ynne ka sngi da wai ki 3 kynta ha jar jiar ki chnong ki thaw wow dai ya ki mar baam mar dih kamjooh da booh leh yaki thaw dai wa chipor yow lait na i khynnia.
Kini ki dukan wa ki thaw dai da wai ki heipor 9:00 waje i step hadooh 12:00 waje chiteiñ sngi.
Da sakhi wa em ki dukan wa dai ya ki jhoor, ki dakha, doh, ktung, soh wa kiwi kiwi.
Ki thaw wa dai doh da sakhi wa smat i doh u lut katwa kiwa dai jhoor won boon ki mar.
Neiliang kiwa pynlai chnong da booh ki ya ki bru wow pynlait bait lai ryntih ya i dai mar wei wow pynyieñ jngai ya ki bru na iwi ha iwi i thaw wa da booh ya kawa da tip kam ka Social Distancing.
Ynne i rukom pynbiang mar baam daw yarap i ya kiwa pynlai chnong wa ki dukan wow man ki kiwa da pynkhreh neibynta ki sngi wow wai biang ya ki dukan ha ki sngi wow wan, wei ka ya dai mar baam da sdang ko wow man kawa em kyndon ha chnong Jowai hadien wa ini wa dep da yoo kulmar yei rukom dai rukom thied ki bru.
Discussion about this post