U Montri ka chnat Sports and Youth Affairs, u Shakliar Warjri ynne ka sngi da kaweh lama u ya u dongmusa yong ka 5th Meghalaya Games ha ka yalang wa da pynman ha Shillong SSA Stadium wei uni u donmusa daw lai luti u hadooh wow poi cha Tura, West Garo Hills iwa man i thaw wow pynman ya kani ka lympung nadooh ka 15 tarik hadooh ka 20 tarik uni u bnai.
Hawa e yei klam, neiliang u Montri da pynsñiaw u yei kmen wow yoh u sdang ya ka Meghalaya Games deiwa pynkop ya uni u dongmusa deiwa e kti ya oo cha kiwa pynman ya kani ka lympung.
Da ong u leh wa kani ka Meghalaya Games toh kawi na ki lympung yalehke wa heh dooh wa da pynman hapoh ka jylla, kamtæ pyn-eh-daw pyn-eh-nasib u ya waroh kiwa daw chimbynta.
“Ka sorkar toh kawa da chimkhia wow pyntikna wa kani ka lympung u man ko kawa jop wei kyrmen O u man ko kawa bha dooh. Wei lyngba kani ka rynsan, ka sorkar leh da yooluti ko wa kiwa yalehke daw tyrchaaiñ ki ha jar jiar ki yalehke yong ki yow ye ki wow lai chimbynta ha ki kyrdan ka ri wa cha baar ri hadooh wow poi cha ka Olympics,” da ong u Montri.
Da ban joor u leh wa i thong ka sorkar toh yow e yaka rynsan yow pynku ya kiwa yalehke yow man ko leh kam ka laad kamai ym du wow pynlut por donhi. Chooh chooh da ong u wa ki kaam yalehke man ko kam ka luti yow khang laad na ki kaam wa sih kam i dih drugs. Wei ka Meghalaya Games ym du kam ka lympung yalehke tangwa kawa pynkupbor leh ya ki khynroo khyllood yow ku ki ha ki kaam yalehke.
Kani ka dongmusa man ko leh kam ka dak wow wanrah yei yatylli wei lehkmen yei bor ki khynroo.
Discussion about this post