Sdang mih i kaam wa leh sopsop ka PWD heiyatoh wa i e Contract wow kreh sarok

Uwi na kiwa kreh monsñiawbha na Ri-loom Jaiñtia, u L. War da paan RTI u na ka PWD heiyatoh wa i e Contract wei pynkreh ya u sarok cha Kchaaid Chympe na Siejrongheng uwa jrong 12 Km.

Ya i kreh ya u sarok da wan booh mooyurim da u Chief Minister, u Conrad Sangma ha ka 28 tarik u May 2026.

Hadien wa yoh ya ka jubab RTI na u Executive Engineer ka Khliehriat Division ha ka 07-07-26 da khana wa i lut wow kreh ya u sarok kynjoh i Rs. 46 klur tam wei kiwi ki yutip heiyatoh wa i e Contract wa kiwi daw e jubab da u Chief Engineer ka PWD (Roads).

Hadien wym em jubab u Chief Engineer, neiliang u L. War da ujor u cha u Chief Information Commissioner wei du hadien kattu katni sngi da yoh yei jubab na u Chief Engineer ha ka 6 tarik uni u bnai.

Related posts

Phah ka KSU da ka Legal Notice cha ki ar ngut ki heh pulit yow dawa paan maap ki

September 21, 2026

Chah dat moo ki Bus Night Super hawa psiah cha Meghalaya na Assam

September 21, 2026

Ha ka jubab u Chief Engineer da chem wa da e Contract du cha ki bru wa em yajan wa ki MLA kamjooh ki sahep ka PWD weiwa ya ka Contarct leh da e sopsop donhi du deiwa e ya ka Short Notice Inviting Tender (SNIT).

U L. War da ong u wa ini i khut Contract da ka SNIT man i pyrchah ya ki kyndon krehkaam ka PWD.

Chooh chooh da ong u wa ya ka yutip wa yatoh wa i soi u sarok wa kiwi dang yang wei mar yoh ya kani daw ujor noh da ka PIL ha High Court khnang wa ini i leh sopsop ka PWD kamjooh i yoh Contract u kut noh i neibynta i myntoi ki paidbah khamtam kiwi ki Contractor.