Shillong: Ka sorkar jylla da rai ko wow boodien ko yei kular wow yarap ya kiwa dooh wa duk hapoh ka jylla yow e laad ya ki wow embynta ki ha ki kaam pynroi wa pynkreh ka sorkar hapoh ka jylla.
Hei yatoh wa ini ka sorkar jylla da chna ko ya ki C&RD Block yow pyntikna wa ki kaam wa wanrah yei roi i paar daw poi ko cha waroh ki chnong.
U Montri Rangbah u Dr. Mukul Sangma da ong u leh wa dang em hi kiwa ood yei booh ya ki Block wei yeini da leh deiwa pyrkhat lang ya waroh.
Da ong u leh wa ka mang poisa wa da booh ka sorkar jylla toh kawa boon dooh nadooh wa mih ka jylla Meghalaya kawa da kynjoh hadooh T. 1600 Klur.
Hadien won wa da chong pyrkhat yeiwa wa da rai ka sorkar da dep u chong pyrkhat wa ki heh sorkar kiwa sñiawthooh ya ka yoh ka kot ka sorkar jylla ynnin ka sngi wei da pyrkhat sani wa kammon u lai cha khmat yow pynhun ya ki paidbah.
Da e nongmuna waka Mylliem Block heiwa chwa wow yabhah ya ka em ki paidbah 3 Lak ngut katkam ka Census u snem 2011 wei katni da ku ko palat yeini.
Lada chna won saka Mawlai Block, ka Mylliem Block daw em ko 1.13 Lak ki bru hapoh yong ka katwa ka Mawlai daw em ko 1.8 Lak ngut ki bru hapoh yong ka katkam kam Census 2011 wei ki leh da ku i boon bru ki.
Hanlada kattæ ka sorkar da rai ko wow yabhah ya kini ki Block, heiwa ka wi daw tip kam ka Mawlai Block katwa ya kawi won daw jied pyrtuid chong hei thaw wa yoh u chna ya ka.
Ki bynta ka Mawdiangdiang kiwa hap hapoh ka Mawryngkneng ye u khut ya ka kam ka Mawpat Block kiwa kynthup leh ya kiwa sah ha Nongthymmai wa Pynthorumkhrah Constituency.
U Montri Rangbah ka jylla leh da e khublei u ya ki paidbah ka Mawlai, Pynthor, Nongthymmai, Mawryngkneng wa kiwa mihkhmat yong ki kiwa da ye u wanrah wow pynchna ya kini ki Block thymme.
Discussion about this post