15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da i bor u khulom u jop i yaleh ka seiñ pyrchah ya ka luti rel: KSU

0 Comments
Advertisement ad1

Shillong: Ka Khasi Student’s Union (KSU) da pynkhreh ko wow yakhih wa rap joor lada ka sorkar ym sangeh ko ya i chna ya ka luti rel da ka Northeastern Frontier Railway ha ri-loom Khasi-Jaiñtia kawa da sdang na Ri-Bhoi District.

U president ka KSU, u Lambokstarwell Marngar da ong u wa ynne ka sngi ka KSU ym kylla ko ya ka yurim kawa da yieñ ko nadooh u snem 1988 wow pyrchah ya ka luti rel.

Da ong u leh wa hadien wa 25 ngut ki dkhot ka seiñ wa kynthup na Khasi Hills wa Ri-Bhoi District da chah kem ki heiwa da chah pynbaad wa emkti ki ha kiwa boon ki kaam pyrchah aiñ tangwa da kylli u wa cheiwon u poi manda wan ka rel, daw wanrah ko yei pynroi namo wow tympiah ya ka jaitbru.

“Nadooh u snem 2011 hadooh katni ka ka sorkar u Dr. Mukul Sangma ym em pynkrehkaam ko yaki aiñ wow sonteri yei psiah i mih ki baarjylla kammon won u ye u pdiang yei u wanrah ya ka luti rel neibhah ym em de i chaniah ya ka sorkar” da ong u Marngar.

Hei yatoh won wa cha pynbaad u waka seiñ emkti ko waka HNLC u Marngar da ong u wa u Dr. Mukul haap pynche chwa u wa chah pynbaad u wa da paan yarap u naka HNLC wow yarap pynjop ya ka Congress ha ka Election MLA ha ka election 2018.

“Ka KSU ym emkaam ko ya ki bomb IED, tangwa ka yakhun yeiwa dawa du nei bor u khulom wa ka sur ki paidbah daw jop bait ko” da ong chooh chooh u President.

 

Share this:
Previous

Sdang mih soh i yakhih ka Mawlai wow yoh C&RD Block wa thymme yong ka

Next

Da pynwiar ya ki ar seiñ yow mih noh da ka JNC