Shillong: I awri ha Motphran ynne ka sngi da rap duna i hadien wa ka Sorkar jylla da chong yalang ko wa ki dhab waphær wapær wa kynthup ya waroh ki saiñ sima saiñ hima ka jylla wa da chna noh yaka High Level Committee wow pait ya i kyrriah ya kiwa chong wa sah ha kani ka thaw wa tip kam ka Themmator.
Hapyrdi i awri da wan mih kiwa mihkhmat, wa kynthup yia u Banteidor Lyngdoh uwa man kam u montri ka sorkar, u Lambor Malngiang uwa man kam u Chairman ka State Planning Board wa u MLA ka North Shillong, u Adelbert Nongrum wow yaklam wa ki paidbah.
Kini ki le ngut da pynbna piadbah ki ya ka rai ka Sorkar wow kyrriah noh ya kiwa sah ha Themmator, Iewmawlong wei da e i kular wow pynlait noh ya waroh kiwa chah kset khlem kiwon kiwon ki kyndon wa chah kdoh.
Neiliang kiwa mihkhmat da ong ki wa kani ka Sorkar u leh ko yeiwa bha tam neibynta ki paidbah wei da kyntu leh ya ki paidbah wow man ki kiwa yaichah.
Hadien i yaklam wa ki le ngut ki MLA neiliang ki paidbah da sdang pra ki wer pa wer na ka thaiñ YMCA, Mawkhar.
Wei na kini kiwa boon hi ki paidbah da sdang ki wow randien cha jaar jiar ki chnong.
(Images for representational purposes)
Discussion about this post