15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynman ka DSLA dei pynkhooid ya ka Nan Kasari wa i lai paidbah kam chibynta ka World Environment Day

0 Comments
Advertisement ad1

Jowai: Ka District Legal Services Authority (DSLA) ka West Jaiñtia Hills District, Jowai ynne ka sngi da pynnman ko ya ka kynmoo warom ya ka “World Environment Day” deiwa pynman ya ka pynkhooid ya ka nan Kasari, i thung dieñ, i jied ya ki Plastic wa noh roi cha rood sarok wa i lai paidbah.

Da em leh ka yalang wa pynman ha Community Hall ka Dorbar Chnong Khimusniang kawa pynlai da u D.S. Marbaniang u Chief Judicial Magistrate ka WJH uwa man leh kam u Secretary ka DSLA wei ha ki ktien wai phang yong oo da ong uwa ka phang ha uni u snem toh “Beat Plastic Pollution” iwa mut wow pyndooh noh yei pyntngit pyntaroi wa mih deiwa pynemkaam Plastic deiwa ong hanlada uwi thied um u wa song hapoh ki klong Plastic ym em sñiaw i toh iwa ktah hadooh kattæ tangwa lada waroh ki bru thied ki uwi samen da man ko kawa da ktah bha ya ka rymaw.

Advertisement ad1

U F. Passah, Ranger ka tnat Forest kam u bru chemphang ynne ka sngi da ong u wa katni kat cha wa lai i da em bait ka Plastic wei ki Plastic hi toh kiwa chimpor da ki boon boon snem wow pyut ki wei man ki leh kiwa toh dor kiwa da e mynkna kiwa dai dukan wei ka lada thied i da ka muna wow kit ya ki mar heipor wa lai yaaw lai hat i man ko kawa syad.

Da e nongmuna u leh kam ha ki por wa lai baamdoh katni ki bru da thied bait ki da ki pliang, ki siang, ki khuri Plastic yow lait u haap u sait wei wow kit biang ya ki cha yung wei da ieh roi ki cha loom cha wah wei ini leh man i jooh kam ha ki por wa em khawai.

Chooh ki Plastic hi toh kiwa pynemkaam du chisien donhi wei da noh ya ki tangwa lada thied klong um da uwa miat ye u pyndap um heitæ wei pynemkaam boonsien da u jooh u klong. Heijooh i por leh da ong u wa emkaam leh ki bru kiwa chynna jngai ki wa ye leh u seiñ khih deiwa pyllang ya ki Plastic yow pynthymme ya ki namo Recycling.

Neiliang u E. Kharumnuid uwa man kam u District And Session Judge, Jowai da ong u wa ha kani ka kynti heipor wa lai paidbah ki khynnah skur ym pynman ya ka kyriaw wow sneiñ paidbah neibhah katni boon toh kiwa da tip chaphang ini waroh wei u pynyoo dei kaam deiwa jied ya ki Plasctic tymbud luti.

Ha kani ka sngi da yakrehlang waka tnat Fishery deilang waka yungkrehkaam u DFO Forest (T) wow pynkhooid ya ka nan Kasari.

 

Share this:
Previous

Sdang randien ki paidbah wa yakhih, wan pynsñiaw ki MLA yei rai ka Sorkar

Next

Mynstep ka sngi khang kiad ha EKH