Ka Mobile Premier League (MPL), kawa man kawi na ki Online Gaming Platform wa heh hapoh ka ri da pynbna ko wow sangeh chwa wow leh ya ki Online Games wa pynemkaam da ka poisa ha India hadien wa pdiang ka Parliament ya ka Promotion and Regulation of Online Gaming Bill, 2025 ynnin ka sngi.
Ya kani ka Bill da pdiang da ka Rajya Sabha khlem yañia hanla pyrchah ka liang pyrchah heiwa kani ka aiñ daw pynchlur ko ya ki eSports wa Social Gaming donhi khlem da ya thong da ka poisa.
Ka MPL em ko 120 Million ngut ki bru wa da Register ha kylleiñ ka Asia, Europe wa North America heiwa da pynbna ko wa daw bood ko ya ki kyndon aiñ katkam wa em ha ki ri.
Ini i leh ka sorkar toh wow yakhun ya ki Online Games kiwa pynchlur ya ki kaam yakhle da ka poisa.
Kiwi de ki Online Gaming Platform wa daw chah ktah toh kam ki yalehke Poker, Rummy heiwa ka Zupee wa da pynbna ko wow sangeh krehkaam hadien wa pdiang ka Parliament ya kani ka aiñ.
Kani ka aiñ da khang ko leh yei booh Advertisment neibynta ki Online Money Games wei da khang leh ya ki Bank wow pynlait ya ka poisa neibynta kini ki jait kaam.
Ya kiwa yaleh pyrchah daw chah kem hadooh le snem wei ye leh u ngat ka kuna kawa Rs. 1 klur.
Discussion about this post