U Montri Rangbah ka jylla, u Conrad K Sangma, ynne da wai paidbah u ya ka e-Proposal System deiwa emlang u Additional Chief Secretary, u D.P. Wahlang, u Principal Secretary, u Dr. Shakil P Ahammed, u Commissioner & Secretary, u Dr. Vijay Kumar deilang wa ki sahep ka chnat NIC, Finance wa Planning.
Hawa klam heipor wa pynlait paidbah, u Conrad K Sangma da ong u wa i thong kani ka e-Proposal System ha ka synchaar khadar toh yow pyntikna yei pynpoi smat yeiwa emkaam nadooh na tre yow lait u pynsepai yei por wei yow pynsuk wow pynlait poisa neibynta ki kaam wa da pynkreh.
Da ong u leh wa i sdang ya kani ka e-Proposal System toh u moomær hei synchaar khadar kawa daw wanrah bha yei kylla. “Iwa eh katni toh yow wanrah ya waroh ha kani ka rynsan wei yow e sikai ha waroh ki kyrdan ha kini ki 2-3 bnai,” da ong u.
Da ong u leh wa i sdang ya kani ka e-Proposal System ha ini i dap 50 snem ka jylla pynyoo ko yei wanrah yeiwa thymme.
Ya kani ka yalang da chimbynta lang leh da kiwi ki chnat ka jylla deiwa embynta lang lyngba ka Internet.
