Kiwa kitkaam yong ka Mynsngat Khanduli Development Committee (MKDC) ha ka 7 tarik uni u bnai da yachem ki wa u Montri sorkar ka Meghalaya u Sniawbhalang Dhar yow pynkynmoo hajrong ki phang dawa wa nachwa yong ka Committee neibynta wow pynyoh ya ka Namdong C&RD Block wei wow thung thymme sa uwi u Doctor MBBS, Pharmacist, uwa yah kari wei kamjooh leh u pynchna ya u sarok (Main Road) wa lai cha ka PHC neibynta i emkaam yong ki paidbah ka thaaiñ.
Da ong leh wa ini i emkaam man i leh kam chibynta wow pynbiang ya ki wakreh ka PHC khnang wow man ko i kyrkhu yei chakri heiyatoh wa i chait i nang.
Ka Committee da dawa ko u pynyoh noh ya ka C&RD Block neibhah wa man ko kawa emkaam hadooh kattæ kattæ neibynta ki kaam pynroi wei daw kyntu leh ya i bha i miat yong ki nongkyndong.
I wanrah ya ka Block u man ko leh i kyrkhu neibhah ki paidbah chem chitom ki katni neidaw wa ka Block kawa em ha Thadlaskein da man ko kawa jngai.
Neiliang u Sniawbhalang da kular u wow yarap pynyoh ya ini i dawa wa emkaam yong ki paidbah.
Kamtæ ka Committee kyrmen ko wa kini ki kaam u man ki kiwa daw mankaam nei kreh chitom u MLA ka thaaiñ.
Ka kyrwoh na u D. Dkhar, President MKDC.
