Sdang u Conrad ya ka ‘Opening Doors for Education to Children’

Shillong: U montri rangbah ka jylla, u Conrad K Sangma, ynne da sdang u ya ka Meghalaya State Legal Services Authority (MSLSA), ‘Opening Doors for Education to Children’ hei emlang u Justice Mohammad Rafiq, Chief Justice, High Court of Meghalaya and Patron-in-Chief, Meghalaya State Legal Services Authority wa u Justice H S Thangkhiew, Judge, High Court of Meghalaya and Executive Chairman, MSLA kamjooh wa u Justice W Diengdoh, Judge, High Court of Meghalaya.

U Conrad hawa e yei klam da e khublei u ya ka MSLA wa pynman ko ya kam kani ka programme wow kynjoh ya ki khynnah kiwa emkaam yei puræ puthi wei i stat i tip. 

Da ong u wa i eh i khoo ha ka puræ puthi man i iwa boon wei i pep skur chiteiñ por man i iwa khia bha ya ka jylla. 

Da yaroh u ya ka MSLA wa sdang ya kani ka Campaign ka wow yarap ya kiwa boon ki khynnah kiwa dooh u lai skur deiwa kular u e yarap katwa ye na ka sorkar. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U symbood kongsan, u Justice Mohammad Rafiq, da ong u wa kani ka Campaign toh neibynta ki khynnah ka jylla kiwa da pep skur chiteiñ wei wow pynchlur ya ki wow pteiñ biang ki u puræ wei ini man i i hok yong ki wa da yada da ka Article 21 yong ka riti synchaar ka ri.

Da ong u leh wa ka MSLA u man ko ka bynta wa khroo ya ka sorkar jylla wow jop ha kani ka thong. 

Neiliang u Justice H S Thangkhiew, da pyntip u wa kani ka Campaign wa soo bnai u pynkreh ya ka deiwa yakrehlang wa ki chnat kam ka Education, Health, Law wa Social Welfare Department.