theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Sdang u DC ka East Jaiñtia da ka MAVIC yow pynpsiah pyrtuid ya waroh hapoh ka MHIS

Advertisement ad1

Hajrong ka thong wow kynthup ya waroh ki bru wow myntoi na ka Meghalaya Health Insurance Scheme (MHIS) ha waroh ki chnong ha East Jaiñtia Hills District, u Deputy Commissioner ka District, u Abhilash Baranwal, ynne da sdang u ya ka Mission MHIS Advocacy Intensification and Capturing Outliers (MAVIC) Project ha ka yalang wa pynman ha Deputy Commissioner Conference Room, Khliehriat.

U Abhilash Baranwal hawa e yei klam da ong u wa boon ki chnong ka District ympu em kynjoh ki 100% wow myntoi na ka MHIS kamtæ ki bor District da rai ko wow sdang noh ya ka MAVIC Mission deiwa yoh yarap na ki khynroo khyllood wow man kam ki Youth Volunteer na ki chnong waphær waphær khnang wow ye ki paidbah u yoh myntoi na ka MHIS.

Da ong u wa ha ka bynta wa nyngkong, 32 tylli ki chnong da jied ya ki wow sdang ya kani ka Mission deiwa e khublei u ya ki Volunteer wow kreh ki neibynta i bha i miat heiwa da pyntip u leh wa da sdang kam kani ka Mission khnang wow tip ki paidbah ka District ya ki Scheme waphær waphær. Da kyntu u ya ki Volunteer wow chimkhia yeini neibhah ini daw ye won i wow yarap ya ki wow pynwandur ya i rukom im yong kiwa chong chnong neibynta i bha i miat ka mynried ki paidbah.   

Neiliang u Wyrta da yaklam u wa u Abhilash Baranwal heiwa da pyntip u wa katkam wa man katni hapoh ka District da em du 83% kiwa da thap pyrtuid wow yoh myntoi na ka MHIS wei da kyrmen skem u wa lyngba kani ka MAVIC daw ye u kynjoh hadooh 100%. 

Da pyntip u leh wa hadien wa yoo wa dang duna bha kiwa em pyrtuid hapoh ka MHIS neiliang ki bor District da rai ki wow sdang ya kani ka thong khnang wow ye ki paidbah u yoh myntoi wei hadien wa da poi ha ka thong, daw sdang kam kani hi wow pynsñiawthooh paidbah ya ki myntoi wa ye ki u yoh na kiwi tawon ki jait Scheme sorkar. 

Neiliang u J. Shylla, Addl. Deputy Commissioner da pynche u ya ki Volunteer hajrong kani ka MAVIC Mission ka wow man 2 tayaw heiwa daw jied ya ki Volunteer na jar jiar ki chnong kiwa dang duna bha kiwa yoh myntoi na ka MHIS heiwa daw lai leh yei thap pyrtuid ha waroh ki manyung. Da pyntip u leh wa ki Volunteer wa ye u pyndep 100% i thap pyrtuid daw su ya ki T. 20 kawi ka MHIS Card katwa kiwa duna 100% won u su du T. 10 kawi ka Card.

Kiwi kiwa da klam ha kani ka sngi toh u D. Shylla, District Medical and Health Officer, East Jaiñtia Hills District, Khliehriat wa u R.B. Shadap, DPM MHIS, East Jaiñtia Hills District.      

Share this:
Previous

Waroh ki karkhana khyndaw-bilat ym em bood ki ya ki kyndon NOC ka JHADC: Thombor Shiwat

Next

Chiboon i duna chem ka KSU ha Govt. Boys Higher Secondary School Jowai