Sdang uiñ biang kiwa yut na ka Congress | Ka Regional Front toh i buit ka BJP: Vincent

U President ka Meghalaya Pradesh Congress Committee, u Vincent H Pala da kam u wa da em kiwa psiah biang cha ka Congress wei dang em boon kiwa daw uiñ biang hadien wa da yut ki.

U Vincent da ong u wa ki bru wa pynbaad wa hiar ka Congress nadooh wa wan u toh kiwa na kiwi ki Party neibhah wa kwah ki wow pynsih ya ka Congress.

Kamtæ ka Party ym ap ko ya i pynbaad wei u pteiñ ko wow kreh katkam ka thong yong ka neibynta wow myntoi ki paidbah.

Heiyatoh wei uiñ biang u Dr. Mukul Sangma khamtam wa tyngkhooh wa u Saleng A Sangma uwa man u MP ka Tura, u Vincent da ong u wa chong i ha ki waroh ar ngut wow ya pynbait. 

Related posts

Da ki yalehke tynre pynman ka KKC Seiñraij Jowai wow leh warom ya ka lyngkhooh sngi yap u Kiang Nangbah

December 22, 2025

Ki wym ye u pyndep ya ka e-KYC daw chah pyndooh i bhah yoh khoo rachon ki

December 22, 2025

Hajrong ka Regional Front ka thaaiñ mihsngi wa kynthup ya ka NPP, TIPRA Motha wa kiwi, u Vincent da pynbaad u wa ini toh i buit ka BJP wow pynpra ya ki seiñ wa choon ya ka BJP ha ka thaaiñ. 

Da kylli u yei thmu wa cha lyndet wow krehlang kini ki seiñ neibhah wa boon kiwa yahkhmat ha kani ka Regional Front toh ki dkhot warim ka BJP kiwa emyatoh wa ka.