Ki 6 Wicket na u Arbin Singh da pynjop u ya ka Simsang Sharks pyrchah ya ka Symper Panthers da 51 Run ha ka Senior Men Challengers Cup ka Meghalaya Cricket Association ha Shillong ynne ka sngi.
Ka yalehke da hap pynman mar 20 Over chi liang neidaw wa slap wei da ye wow sdang heipor 2:00 waje i sngi.
Ka Sharks da jop ko ya ka kylla khlem wei da jied ko wow Bat nyngkong deiwa yoh 144/4 heiwa ka Panthers da ye ko wow jubab deiwa yoh 93 All Out.
U Tiwari da yoh boon dooh u deiwa yoh 30 na 23 bol (2x4s, 1x6s).
Na kiwa kawang bol ka Symper da yoh u Captain Kishan Lyngdoh (1/12), u Himan Phukan (1/18), u Bijon Dey (1/22) wa u Prolin Phanjom (1/31).
Hawa Bat, u Kishan da yoh boon dooh u deiwa yoh 28 na 19 bol (4x4s, 1×6).
Mynstep ka Symper daw yachem ko waka Umiam Eagles heipor 9:00 waje i step.
