Ka Meghalaya da sdang ko ya ka yalehke ka Senior Women’s T20 League deiwa rem da 64 Run ha ka Hyderabad ha ka yalehke wa pynman ha Puducherry ynne ka sngi.
Ka Meghalaya da booh ya ka hapoh ka Elite Group A deilang waka Hyderabad, Kerala wa Rajasthan.
Ka Hyderabad da jop ko ya ka kylla khlem wei da jied ko wow Bat nyngkong heiwa da kamai ko 143/6 na ki 20 Over katwa ka Meghalaya da jubab ko deiwa yoh 79/8.
Da ka bol, ka Deiphibapynshngain L Mawnai da yoh ko 2/19 ka Debasmita Dutta 2/31, ka Sandria Momin (1/20) waka Ajima Sangma (1/22) ya ka Meghalaya.
Hawa kdong, da em le ngut kiwa Bat kiwa da haap deiwa kamai mar 10 Run katwa ka Rubi Chettri da yoh ko 30 na 31 bol kawa lehbha dooh na kiwa Bat ka Meghalaya.
Ka Meghalaya daw yachem ko waka Rajasthan mynstep.
