Jowai: Hadien wa hiar u slap wa joor ha ki ar sngi, itæ ha ka 13 wa 14 tarik uni u bnai da wanrah i yei doohnong wa khroo ya ki ar tylli ki manyung ha chnong Pasadwar, West Jaiñtia Hills.
Uni u slap wa joor da wanrah u yei tooid i khyndaw wa em ha ka kpær dieñ kwai kini ki ar tylli ki manyung wa em ha Wah Pynkong yong kani ka chnong wei ini i tooid khyndaw da tympat i ya waroh ki dieñ kwai ha kani ka thaw.
Hei yaklam wa u Waheh Chnong ka Pasadwar, u Hotson Swer da pyntip u wa kini ki kpær toh ki yong ka Unity Rymbai kawa da antaad wa em palat 5000 tylli ki dieñ kwai wa i yong ka Kwen Rymbai wa antaad wa em palat 3000 tylli ki dieñ kwai.
Neiliang u Hotson da ong u wa ini i pat kini ki dieñ kwai man i i dooh nong wa khroo iwa da kynjoh da ki lak neibhah ki dieñ man ki kiwa da heh wei ym du i chimpor i tangwa emkaam leh wow sumaar bha ya ki chwa wow heh ki dieñ.
Da pyntip u leh wa neiliang ka chnong daw thoh ko cha ka sorkar wow sorjamin yeini i dooh wei wow paan yarap neibynta kini ki ar tylli ki manyung.
Discussion about this post