Sepai i pyrchang ka sorkar wow yada ya ka rymaw kamjooh ya ka wah Myntdu

Jowai : I pyrchang ki bor district wow yada ya ka rymaw khamtam ya ka wah Myntdu deiwa khang ya ki paidbah wow sait that sait kari ha ki wah kamjooh wow thang khloo thang yutem hapoh ka district yoosar kut ko du hei ktien donhi.

Ynne ka sngi ha Treyonriang da sakhi ya kiwa boon ki bru wa sait that kamwa jooh leh ki ha ki thaw sait that wa ha kiwi ki thaw.

Ynne ka sngi leh boon kiwa wan baam doh kiwa chet pyn da kani ka um kawa kit ya waroh i tngit na ki that wa sait ki bru.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ynne ka sngi da yoo leh ya i thang phlang thang sympoor ki bru ha ki loom wa em harood ka wah.

Ynne ka sngi da sakhi leh ya ki kari pickup kiwa wan noh khyndaw tymbud u sarok Riatsasim hadooh ki rood sarok da man i wa da dap da ki khyndaw.

Da em leh ka wi ka kari wa noh khyndaw heiwa chim ko chiteiñ ya u sarok.

Boon na kini ki khyndaw toh kiwa mih na iwa chna yung ki bru kamjooh leh na ki chna sarok ka sorkar.

Ini i noh khyndaw ki bru toh da chem wa da leh aw jan katwa em i thaw wa synrang hanlada man ki ki thaw yong ki bru samen, thaw paidbah khlem pyrkhat da noh bait ya i khyndaw hadooh da em ki thaw wa da wiar hadooh ki liar ki wah khian wa da tymmoh lut ki khyndaw.

Also Read : Da ka 144 CrPC pynkreh u DC yow khang yei sait that sait kari ha ki wah