Jowai : I thmu wow pynhaap ya ka chuki CEM ka JHADC hapoh i yahkhmat u ma Thombor Shiwat da ki kattu katni ki MDC ka Congress kiwa da piah hapoh i yahkhmat u MB Rymbai wa u Andrew Shullai da sepai ko ynne ka sngi hadien wa ki liang pyrchah kiwa kynthup ya u ma Marki Mulieh, Moonlight Pariat wa ka Violet Lyngdoh kiwa man ki MDC ka UDP deiwa lai ki neiliang u CEM.
Ha kini ki ar bnai wada dep u ma MB Rymbai chiroop wa u ma Andrew Shullai hei kyrchaan ki MDC kiwa kynthup ya u Laitsing Shylla (INC), Hopingstone Bareh (INC), Rio Sten (IND), Chanki Lyngdoh (UDP), Skhem Suchiang (IND), Richardsingh Lyngdoh (IND), Bison Iano ( IND), Suk Shylla (Ind) Winning Sungoh (INC) wa u Hermon Phawa (INC).
Katwa ka dhab wa yahkhmat u T. Shiwat da kyrchaan ya ka da u ma Joinriwell Pyrtuh (INC), Deseous Pohshna (INC), Hollando Lamin (INC), Het Pohthmi (IND), Arbor Hima Darnei (INC), Moonlight Pariat (UDP), Marki Mulieh (UDP), Ruda-oo Tang (INC), Phasmon Dkhar (IND), Laski Rymbai (INC), Phillip Tangliang (INC), Kilometer Lytan (INC), Phien Nanglein (INC), Sevenborn Tang (Nominated MDC), Chemhok Garod UDP wa ka Kong Violet Lyngdoh (UDP).
Katkam ka khubor na ki bru wa tikna da ong wa u ma Thombor Shiwat, i yataan tylle yathied yadai MDC dang pteiñ i hadooh katni kiwow pynkhlan ya ka EC u ma Thombor Shiwat uwa da yoh yei kyrchaan ki 17 ngut ki MDC katwa 12 cha u ma MB Rymbai.
Uwi na ki MDC u wym kwah u pynmih pyrtuid da ong u wa ka kaam saiñ hima sima hapoh Ri-loom Jaiñtia ye ko u kylla heiwon heiwon i por.
Discussion about this post