Sepai ki 16 tylli ki Satellite wa mut ka Space Agency ka India wow lai booh cha haw-haw

Ka Indian Space Research Organisation (ISRO) da maad ko sa uwi u moochynthut hadien wa ka Polar Satellite Launch Vehicle (PSLV-C62) Mission wa da pynhær ynne i step na Sriharikota ym ye u wow pynpoi cha ka haw-haw ya ki 16 tylli ki Satellite wa kit.

Ka ISRO da ong ko wa ka Stage-1 wa Stage-2 u Rocket man u uwa lai bait tangwa manda poi ha ka Stage-3 ym em de lai kamwa da booh da mang.

U Chairman ka ISRO, u Dr. V. Narayanan da ong u wa daw pyntip won hadien iyi wa jia heipor wa poi ka Stage-3 neibhah dang pait bniah ki yeiwa jia.

Kani ka PSLV-C62 toh uwa kit leh ya u Satellite ka India uwa tip kam u EOS-N1 wa uwi u Defence Satellite uwa da e pyrtuid Anvesha wa chna da ka Defence Research and Development Organisation (DRDO) deilang kiwa na kiwi ki ri kam na Brazil, Spain, UK.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Ya uni u Rocket da pynhær ynne heipor 10:17 i step wei manda poi ha ka Stage-3 da yoo wa da sdang u wow lai cha rood neiwa da booh.

Kini ki Rocket ka PSLV toh kiwa duna bha i sih ki heiwa 94% toh iwa lai bait manda pynhær ki tangwa ini wa sih toh i sien wa ar ha ki 8 bnai.