Ka Nangkiew Irat SC da man ko ka liang wa nyngkong ha kani ka samoi wow jop deiwa wan nadien deiwa pynrem ya ka Shillong Lajong FC da 3-2 ha ka yalehke wa 46 ka Shillong Premier League 2021-22 ha Third Ground, Polo, Shillong ynne ka sngi.
U Ioanis Suchen da pyntam nyngkong u ya ka Lajong ha ka minit wa 14 chwa wow thap ka Nangkiew lyngba u Banshan Nongdhar (41’P), u Rapborlang Marwein (55’) wa u Pynche Tyngkan (62’). U Iohbor L Lyngkhoi (85’) da thap u ya ka kool wa ar ka Lajong chwa u kut. Kini da man ki leh ki kool wa nyngkong kini ki 5 ngut ha kani ka samoi.
Ka yalehke mynstep u man ko hapyrdi ka Langsning FC waka Rangdajied United FC. Waroh ar emkaam ki wow yaleh yow jop yow emlaad wow jop ya ka Shillong Premier League tangwa lada ya drawn, ka Mawlai daw eh wow chem ya ka. Hawa yachem khaddooh kini ki arliang ha ka 7 tarik u Naiynñiaw da jop da ka Langsning da 2-1.
