Ka Langsning FC da jop suk ko ya ka Malki SC da 5-0 ha ka yalehke wa 32 ka Shillong Premier League 2021-22 ha Third Ground, Polo, Shillong ynne ka sngi.
Ka Langsning da dep ko wow jop ya ka Malki da 4-0 ha ka First Leg wei ynne da pyntam ko da chi kool.
U Shano Tariang da thap u ar kool (22’, 34’), kamjooh u Dibinroy Nongspung (58’, 59’) wa chi kool na u Roikhihbha Nongtdu (74’). U Tariang kattu da man u uwa boon dooh uwa thap kool deiwa yoh la 6 tylli ki kool.
Ka yalehke u pteiñ biang ko ha ka 9 tarik hapyrdi ka Rangdajied United FC (12 Point) waka Nangkiew Irat SC (9 Point) heipor 4:00 waje noh chariñ ka sngi.
