theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

U yakhun u Stephanson Mukhim na ka NPP na 7-Amlarem ha ka Election 2023 

Advertisement ad1

Ka National People’s Party (NPP) Amlarem Block Constituency ynne lyngba u President yong ka, u Het Pohthmi ryngkat ki dkhot kamjooh u MDC ka War East, u Gillroy Tariang da pyntikna ki wa u Stephanson Mukhim u MLA warim ka 7-Amlarem u yakhun biang u ha ka Election 2023 na ka NPP.

U Pohthmi da ong u wa ym em u dooh mynsien ki ya ka Ticket neibhah hadien wa yachem wa u Symbood Montri Rangbah ka jylla u Prestone Tynsong ha ka 27 tarik da pyntikna u wa 100% hi ka Ticket u lai ko cha u Stephanson Mukhim, wei ya ka thup i pyrtuid ki kyrtong u pynmih ha u Naikhynde.

Da pynbna u yeini ynne neibhah wa boon ki paidbah ka thaaiñ Amlarem kwah ki wow tip lada u Stephanson Mukhim u yakhun biang u na ka Party ha kani ka kynti.

Kamtæ ka NPP Amlarem Block Constituency da kyntu ko ya ki paidbah wa kiwa kyrchaan u Stephanson napoh ka 7-Amlarem wa ymtoh u artatien næ dooh mynsien ki, neibhah ka Ticket u lai ko cha oo wei daw poi u cha ka thong i jop.

Iwa e mynsien chooh chooh ya kiwa kitkaam ka NPP Amlarem Block Constituency toh wa boon kiwa yakhmat wa haphrang dooh kiwa wot na kiwi ki Party da wan e kyrchaan ki ya u Stephanson kiwa kynthup nadooh u R.L. Tariang uwa jooh man u MLA na ka Constituency la 2 sien wei da jooh man u leh kam u Montri ha ka sorkar jylla.

Heijooh i por da ong u wa waroh ki MDC hapoh ka 7-Amlarem leh kyrchaan pura ki ya u Stephanson.

Hawa yaroh ya u Stephanson Mukhim da ong ki wa man u u bru wa chynna jngai ya ka Constituency wei uwa yajan wa ki paidbah.

U Everest Langstang uwi na kiwa kyrchaan wa khroo u R.L. Tariang leh da pyntikna u wa u R.L. Tariang ryngkat kiwi kiwi kiwa hakhmat, u emlang ki ryngkat wa u Stephanson Mukhim.

Neiliang u Portanri Pakynteiñ won uwa jooh man uwa kyrchaan wa khroo ya u Lahkmen Rymbui ha waroh le samoi wa yakhun u, da ong u wa i daw wa iehnoh u ya u Lahkmen toh wa yoo u neipor cheipor i rukom krehkaam yong oo (Lahkmen) ymtoh iwa yahaap, wot wow pynsñiaw yei eh i khoo ki paidbah ym yoh ki khamtam ki khian ymyoh ki wot wow klam ya oo, deiwa yaroh leh ya u Stephanson Mukhim wa yajan u wa ki khian waroh wei ki leh ye ki wow pynsñiaw yeiwa chem ki.

Share this:
Previous

Da pynman yei pynsñiawthooh wow yada nei chah rahbor ki khynnah ha Jowai

Next

Shillong Premier League 2021-22: Jop suk ka Langsning ya ka Malki