Ka Nangkiew Irat SC da jop ko ya ka Malki SC da 3-1 ha ka yalehke wa 22 ka Shillong Premier League 2021-22 ha Third Ground, Polo, Shillong ynne ka sngi.
Ya ki kool da thap da u Damehun Syih (45’+2, 57’) wa u Shaibor Nongrum (69’) ya ka Nangkiew Irat katwa u Khrawkupar Tamu (90’+2) da thap u ya ka Malki. Kini da man ki ka sien nyngkong wa yoh kini kiwa yalehke wow thap kool ha kani ka samoi ka SPL.
Chwa ynne ka sngi, ka Malki da em ko hei ynñiaw deiwa yoh 4 Point katwa ka Nangkiew Irat da em ko hei wa san deiwa em 5 Point. Kamtæ kini ki liang da neh ki katjooh tangwa ka Nangkiew da rap jan ko cha ka Ryntih kawa em hei wa soo kawa em 9 Point.
Ka yalehke u pteiñ ko mynstep hapyrdi ka Mawkhar SC (1 Point) kawa em hei wa phra pyrchah ya ka Mawlai SC (14 Point) kawa em hei nyngkong heipor 4:00 waje noh chariñ ka sngi.
