Ka Mawlai SC da wan ko nadien yow jop da 7-2 yaka Sawmer SC ha ka yalehke ka Shillong Premier League 2023 wa da pynman ha SSA Stadium, First Ground, Polo, Shillong ynne ka sngi.
Neiliang u Donlad Diengdoh da yoh Hat-Trick u yaka Mawlai deiwa thap haka minit wa 22, 24 wa 57 katwa ya kiwi ki kool da thap da u Robert Khongriah haka minit wa 34, u Fairming Suting haka minit wa 74, u Kevin Rymbai haka minit wa 75 wa u Dajiedlang Wanshnong haka minit wa 86.
Ya ka Sawmer da thap kool da u Diego Khriam, haka minit wa 10 wa u Mark Austin Wanswett haka minit wa 88.
Da ini i jop, ka Mawlai da ku ko chei nyngkong deiwa yoh 7 Point tangwa da yaleh ko kawi ka yalehke wa tam yaka Shillong Lajong FC wa Rangdajied United FC, kiwa da em mar 6 Point hadien ar tylli ki yalehke.
Ka yalehke mynstep daw pynman hapyrdi ka Nangkiew Irat SC waka Langsning heipor 3:00 waje i sngi.
Discussion about this post