U Khrawkupar Jana da ka Hat-Trick u da pynjop u ya ka Mawlai SC da 4-1 pyrchah ya ka Ryntih FC ha ka yalehke ka Shillong Premier League 2024 wa da pynman ha SSA Stadium ha First Ground, Polo ynne.
Hachwa ini won, ka Shillong Lajong FC da jop ko da 2-1 ya ka Rangdajied United FC.
U Khrawkupar da thap u ha ka minit wa 48, 51 wa 80 wa u Donlad Diengdoh ha ka minit wa 89 katwa ya ka Ryntih da thap da u Allen L Nongbri ha ka minit wa 87.
Ya ka Lajong da thap da u Samchaphrang Lato ha ka minit wa 26 wa u Emanbha Marbaniang ha ka minit wa 80 katwa ya ka Rangdajied da thap da u Benny V Khriam ha ka minit wa 54. Ini da man ko ka sien wa ar wa da rem ka Rangdajied.
Ka yalehke wa bood u pynman ha kani ka 28 tarik hapyrdi ka Laitkor SC wa Sawmer SC heipor 5:30 i janmiet.
Discussion about this post