15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Siat dawai ka KSU ha yaw Nongmensong

Advertisement ad1
Advertisement ad1

Ka Khasi Students’ Union-Nongmensong Unit, ynne ka sngi ka 30 tarik ha i por 8 waje i step da lai siat dawai (Disinfectant) ko ha ka chnong Nongmensong wei ha i jooh i por wow saam leh yaki Face Mask wa ki Hand Sanitizer cha kiwa chong dukan haka yaw Nongmensong.

Ya ini i lai luti ka Unit da chim kam chibynta wow ya krehlang waka Dorbar Chnong Nongmensong ha i yakhun pyrchah wei wow kdooh u khoom yei poor u khñiang COVID-19. Ka seiñ lyngba kani ka kyrwoh da kyntu ko leh ya waroh ki paaid wa chong chnong wow man ki kiwa syndong wei kiwa bood ryntih yaki kyndon wa da booh da ka sorkar wei wow deiñ yaki Mask wei wow pynyajngai uwi na uwi la kammon kammon 2 meter wa kiwi kiwi de yow lait na uni u khñiang kjut.

Ka seiñ da e ko leh yei yaroh ya i stat wa i chemphang wa i yinsur mynsien yong kiwa pynlai chnong, ki seiñ khynroo, ki seiñ manbei ha i yakhun thma pyrchah ya utai u khñiang kjut.

Khaddooh khatwai ka seiñ da e khublei ko ya waroh ki paaid chong chnong kiwa da ya krehlang haki kynta wa dang pynman ya katai ka siat dawai ynne i step.

Ka kyrwoh na u K. Marbaniang, General Secretary KSU-Nongmensong Unit.

Share this:
Previous

Kyntu ka ABVP-Meghalaya na ka sorkar wow pynbiang kari ya ki khynnah ha ka Exam JEE wa NEET

Next

Pynkha ka HANM yaka Biar Unit