U Foreign Secretary ka ri India, u Vikram Misri ynne hawa yaklam wa kiwa thoh khubor, da khana u wa heipor wa joor bha i siat ka Pakistan ha ki bynta u Line of Control hei step ka 7 tarik uni u bnai, da haap uwi u Artillery Shell ka Pakistan hadien ka Christ School wa pynlai da ki Carmelites of Mary Immaculate wa em ha Poonch District ka Jammu & Kashmir.
Ini i thaw wa haap uni u Artillery Shell man i leh i yung wa sah ar ngut ki khynnah kani ka skur heiwa waroh ar ngut kini ki khynnah da dooh ki yei mynsien ki wei ki bei ki pa ki leh da mynsoo joor ki.
Sa uwi u Artillery Shell ka Pakistan da tne u ya ka Convent ki Nun yong ka Congregation of Mother of Carmel heiwa da chah ktah ki thaw pynlang um wa ki Solar Panel tangwa kiwa boon nadooh ki Nun, ki Priest, kiwa kreh ka skur da rieh ki hapoh i kamra wa em chapoh khyndaw ka Christ School heipor wa siat ka Pakistan.
Da pyntip wa ha ini i por wa jia, kani ka skur toh kawa da khang lym kamtæ da boon kiwa dooh yei mynsien.
Da ong u leh wa ka Pakistan da siat ko ya kawi ka Gurudwara wa ki Temple iwa pynyoo hadooh katwon kom ko.
Discussion about this post