• About Us
  • Contact Us
  • Privacy Policy
  • Advertise With Us
  • Terms & Conditions
Wednesday, November 18, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
ADVERTISEMENT
Home News

Yachem u Sniawbhalang Dhar wa ki dkhot Election Committee u Nujorki Sungoh | Kular pynku kyrdan ya ka Block

Wyrta Staff by Wyrta Staff
November 18, 2026
Reading Time: 7 mins read
A A
0
Share on FacebookShare on Twitter

Hadien wa u MLA ka 4-Mowkaiaw Constituency, u Nujorki Sungoh da mih noh u na ka UDP deiwa psiah cha ka NPP, neiliang u Sniawbhalang Dhar, Dy. CM ka sorkar jylla uwa man leh u National Vice President ka NPP, ha ka sien wa nyngkong da hiar yachem chwa u wa ki dkhot Election Committee u MLA Nujorki Sungoh ha ka 16 tarik uni u bnai ha ka yalang wa da pynman ha dorbar hall ka chnong Mukhap, tangwa u Nujorki Sungoh ym ye u wow emlang neidaw wa chitom u.

Ha ka yalang wa pynlai da u Laiwan Lamare, da pdiang wei pynkup burom ya u Sniawbhalang Dhar da ka Dorbar Chnong Mukhap, da ki manbei ka chnong Mukhap, da ka Committee Election yong u Nujorki Sungoh kamjooh leh u Eleazer C Dkhar uwa jooh ksoh President UDP nachwa ha ka 4-Mowkaiaw Constituency.

U Eleazer C Dkhar hawa klam ong u kam kiwa yahkhmat UDP ha ki por wa dadep, kwah bha ki u leh iwa bha tam neibynta ki paidbah tangwa ym ye ki kat wym em hei bor næ yahkhmat ya ka sorkar, wei neidaw wa da yoo wa kani ka sorkar hei yahkhmat ka NPP man sakhiat kawa wanrah boon i roi i par ha ki liang waroh kamtæ ki leh kam kiwa kyrchaan rai ki wow psiah cha ka NPP chirup wa u MLA.

“U MLA kam u pa uwa thooh ki laad ki luti kammon u pyntoh pyntne pyndap pynbiang ya ki khon ki kti ha ka Constituency, kamtæ i psiah u cha ka NPP leh toh neidaw wa em u i sñiawkhia ya ki paidbah,” ong u EC Dkhar.

Ong haroh u wa kiwa pyrchah ye ki u klam kut jait tangwa u MLA em u i pyrkhat jngai kammon u wanrah ya ki kaam pynroi, wei wow pynjem yei chem chitom saja ki paidbah.

Neiliang u Sniawbhalang Dhar won hawa klam yaroh u yei rukom man u Nujorki Sungoh kam u MLA wa najrong wa man u bru wa jai jai wa sñiawkhian em u leh i yoo jngai neibynta ki paidbah ka Constituency.

Hawa e yaroh ya ki paidbah ka Mowkaiaw Constituency sñiawkmen u leh wow yoo wa kiwa jooh kyrchaan UDP wa kiwa da em chwa ha ka NPP kattæ da yakrehlang ki chirup chirup yow nangkhlan bor chooh chooh ka NPP, wei i wan yong oo ha kani ka sngi leh ong u toh dei mynsien wa sñiawkhia sñiawkmen wei maya ya waroh kiwa psiah cha ka NPP.

Kyntu u leh ya ki paidbah wym hoi u ya ksoh nood ki boi la jia em iwon iwon i bakla neibhah dei bru u man ym ye u lait.

“Hawa jied ya kiwa mihkhmat toh u pait da kiwa em i kitkhlieh ym ki wow ong hi-eh du i ktien wa maya jaitbru, wei u Nujorki Sungoh leh toh uwa em yei kitkhlieh”.

Related posts

Rs.10 lak e yarap u Sniawbhalang ya ka KJP Assembly neibynta ka Gospel Concert

November 18, 2026

Yap u Captain ka Indian Army, mynsoo ki chipai hadien wa noh ka kari ha ka wah ha Manipur

November 18, 2026

Chooh chooh u Sniawbhalang Dhar ong u, kani ka sorkar ymtoh kawa leh chiliang, heiwa lyngba i yakrehlang ki MLA hanla ymtoh naka jooh ka Party leh pynpoi bait ko yei roi i paar, deiwa e nongmuna u ya kani ka Constituency.

Khana haroh u wa hei chong ya parom u wa u Nujorki Sungoh da ong u ya oo wa ha u 2027 lada psiah næ ympsiah NPP ki paaid kani ka thaaiñ leh daw pynyoh Sub-Division ya ka Laskeiñ C&RD Block.

“Hawa nga man O u Dy. CM ym kwah O u ku du ka Constituency yong nga tangwa kiwi ki Constituency ka Ri-loom Jaiñtia leh u ku lang ki,” da ong u Sniawbhalang.

Najrong wa pynkynmoo u ya ki kaam pynroi ka sorkar ha kani ka thaaiñ ong u leh wa dang boon kiwi won ki Scheme ki Project wa daw wan.

Yooluti haroh u wa lyngba i yakrehlang ki paaid kani ka thaaiñ nadooh ka By-Election MP wow wan u yoh myntoi chooh chooh ka Constituency ar chah neiwa jooh yoh.

Ha kani ka sngi da yoh leh i klam na u Rio Sten, Ex-MDC JHADC, na u Onyx Suchiang, wa i duwai na u Tbn. Kamdathmu Suchiang chwa u sdang ka yalang.

ShareTweetSendShare
Previous Post

Khut ka Panaliar ya kiwa kwah wow thied Stall ha ka Jowai Winter Carnival 2026

Related Posts

News

Rs.10 lak e yarap u Sniawbhalang ya ka KJP Assembly neibynta ka Gospel Concert

November 18, 2026
News

Yap u Captain ka Indian Army, mynsoo ki chipai hadien wa noh ka kari ha ka wah ha Manipur

November 18, 2026
News

Khana u chipai BSF yei daw wa chah kem u ha ki BGB

November 18, 2026
News

Chah Suspend u Additional SP wa maham wow thap bhang ha muna ki chijur

November 18, 2026

Discussion about this post

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar