Heipor wa lai thooh ka USA ya u Pilot yong ka uwa da haap hapoh Iran hadien wa mih (Eject) u napoh ka F-15E Jet hadien wa chah siat ko ha ka 3 tarik uni u bnai, da pynemkaam boon tylli ki lieñsuiñ deilang ki Helicopter yow lai thooh ya oo.
Hapoh kani ka F-15 da em ar ngut ki Pilot heiwa uwi na ki da chem oo pyn haka jooh ka sngi katwa ya uwi won da chem ha ka 4 tarik deiwa ong ka Iran wa yoh ko wow siat ya kani ka Jet.
Hawa lai thooh ya uwi uwa slem wow chem uwa man leh kam u Colonel uwa da yut rieh hadien wa ka Iran da tyrwa ko da ka poisa ya kiwa chem ya oo, da phah ka US kamwa 12 tylli ki lieñsuiñ.
Katkam ka rukom, uni u Pilot da pynkrehkaam u ya ka Beacon yow tip ka US heiwon em u yow lai thooh oo, tangwa manda leh kamni, kiwi leh daw tip ki yow lai thooh tangwa da chitom neidaw wa kani ka thaw man ko kawa em boon ki loom.
Iwa mut wa kiwa na Iran kamjooh ka US da thooh ko ya uni u Pilot heiwa da em ar tylli ki lieñsuiñ Hercules C-130 ka US Air Force kiwa da hiar hapoh Iran kiwa kit deilang wa ki chipai yow yarap thooh ya u Pilot wei da ong wa ini i thaw wa hiar kini ki lieñsuiñ man ko kamwa 3 Km nei thaw wa em uni u Pilot wa wiar.
Hadien wa chem ya u Pilot, kini ki lieñsuiñ manda mut biang ki u hær da sahkut ki wei ym tip yei daw tangwa da suba wa da sahkut ki chaka ha u chyiap.
Kamtæ ka US da phah biang ko sa le tylli ki Hercules C-130 kiwa da hiar ha kani ka jooh ka thaw kiwa da kit ya ki chipai wa da sahkut heini, wei manda ye ki u hær na ini i thaw, da phah ar tylli ki Jet kiwa da wan siat ya kini kiar tylli ki C-130 kiwa sahkut yow lait ka Iran wow yoh ki.
Discussion about this post