Siat naphang pynmih hukum ka sorkar Bangladesh

I yakhih ha Bangladesh dang joor i heiwa kattæ da antaad wa da em palat 100 ngut kiwa da yap wei ka sorkar da pynkrehkaam ko da ka Curfew kawa daw sdang nadooh myntu ka chiteiñ synyaaw ha waroh kawi ka ri.

Ka sorkar da pynmih ko leh ya ka hukum wow siat bait naphang ya kiwa yaleh pyrchah hadien wa kani ka yakhih da neh ko la le tayaaw kattu kawa da sdang nadooh ka 1 tarik uni u bnai.

Kani ka yakhih kawa pyrchah yei booh bhah yei kreh 30% ya ki khon kiwa yaleh laitlooid ya ka Bangladesh kawa da man kam ka ri ha u snem 1971 tangwa ya kani ka bhah kreh da pyndam ha u snem 2018 da ka Prime Minister Sheikh Hasina hadien wa man ko kam ka Prime Minister hei sien wa soo.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Tangwa ha ka 1 tarik uni u bnai da pynim biang ya kani ka Quota System wow e biang 30% i kreh wa da pyndam ha u 2018 da ka Dhaka High Court iwa da wanrah yeini i yakhih hanla da pyndam ka Supreme Court ya kani ka hukum.

Kiwa yakhih da ong ki wym yahaap de ha kini ki por wa katni wei da kwah ki wow yaleh kreh kat kiwa chkeh dooh.