U Amar Singh Chahal (66 snem) uwa jooh man kam u Inspector General warim ka Punjab Police da siat u pyn ya oo hi deiwa pyrchang wow pynkut yei mynsien u wei kattæ da em u hei chah sumaar.
Ki pulit da chem ki leh ya ka chithi wa thoh u kawa boon sla heiwa da ong u wa da sñiawsarom u nei chah thok poisa (Online Scam) u ha ki bru heiwa da dooh u Rs. 8.10 klur ha kini ki bru hadooh wa da sñiawsih kthang u iwa da pynman ya oo wow diaw mynsien.
Da thoh u leh wa katwon sihlet u yei wym ye de u wow yoh biang ya kani ka poisa wa boon heiwa kini ki bru da yoh chakæ ki oo deiwa kular wow pynyoh nong chiboon deiwa thap poisa.
Chooh chooh da thoh wa ka Rs. 1 klur da pynlut u na oo hi wei da chim poisa u leh na ki lok wa kiwa emyatoh u yow su cha kani ka Company ha ki le tylli ki Bank.
U Amar da siat u ya idæ ha rupai da ka Revolver ka yong u Security Guard u ha yung wa sah u ha Patiala ha ka 22 tarik wei mar ya tip wa jia ini dapoi ki pulit cha ini i thaw wa jia hapoh 10 minit heiwa da chem wa dang riñ mynsien u wei da kit ya oo cha Hospital.
Discussion about this post