Ka Ministry of Foreign Affairs ka Bangladesh ynne da phah hajir ko ya u High Commissioner ka India wa em ha Bangladesh, u Pranay Verma wow pynsñiaw yei sñiawkhia yeiwa chah mang ki yung krehkaam yong ka ha India.
U Foreign Secretary ka Bangladesh, u Asad Alam Siam da pyntikna u yeini.
Ka Foreign Ministry ka Bangladesh da pyrchah ko yei yakhih hajan ka Bangladesh High Commission wa ki yung ki heh ko wa em ha New Delhi kamjooh leh i thmu thombor ya ka Bangladesh Visa Centre ha Siliguri ynnin.
Da ong ko wa i yakhih hajan ki yung krehkaam ko booh ki hei maa ya ki bru yong ka wei emkaam wow pynneh yei burom wa mar kylliang.
Ki yung krehkaam ka Bangladesh kam ha New Delhi wa Agartala da khang ki nadooh ynne ka sngi.
Da pynbaad ko leh wa da em i yakhih hajan ka Bangladesh Deputy High Commission ha Kolkata.
Ini i yakhih pyrchah ya ka Bangladesh toh hadien wa chah dat wei chah thang u Hindu, u Dipu Chandra Das ha Mymensingh, Bangladesh ha ki sngi wa dadep.
Discussion about this post