Siat yap ka ISIS ya 60 ngut ha Moscow wei mynsoo 145 ngut

Ki bru wa rah suloi kiwa riam kam ki chipai da siat ki ya kiwa lai Concert hajan Moscow, Russia ynnin ka sngi heiwa da yap ym duna 60 ngut wei da mynsoo 145 ngut wei yeini da bahkhlieh ka ISIS.

Kam ini da jia khaddooh ha Russia ha u snem 2004 ha iwi i skur wa em ha Beslan heiwa da ksoh kset ya 300 ngut ki khynnah wei hadooh wa kut da yap chiteiñ na ki.

Heiwa jia ynnin won toh hapoh ka Crocus City Hall heipor wa dang tem ki dhab tem wa tip kam ki “Picnic” heiwa da em 6,200 ngut kiwa wan cha kani ka Concert.

Kini ki bru kiwa em kamwa 5 ngut wa rah da ki suloi AK da sdang ki wow siat nadooh na lait wa mar ya psiah ki cha kani ka yung heiwa kiwa sakhi da ong ki wa da sñiaw ki leh yei em wa tympdung hadooh wa da sdang u kop diñ.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Kini ki bru da siat ki naphang kat ya kiwa yoo ki wei ki bru deiwa kiad da yut ki wei thooh thaw rieh ki wei hadien ini da psiah ki cha ka Hall wa pynman Concert yow siat sa ya kiwa em heini hapoh.

Kani ka Crocus City Hall toh kawa heh bha kawa emlang leh yaka Music Hall deilang waka Shopping Centre wei katkam ka takit, da ong wa kini ki bru da kawang ki leh ya uwi u Grenade deilang wa uwi u Incendiary Bomb hadooh joor i diñ wei da haap leh chibynta i tnoom ini i yung.

Kini ki bru hadien wa leh ki yeini da yut ki da kawi ka kari rong lieh.

Hachwa ini, ka US da pyntip ko wa da em ki bru wa da mang wow siat naphang ha ki thaw yalang paidbah wei da booddien ki ya kawi ka seiñ wa tip kam ka ISIS-K heiwa u K mut Khorasan iwa man leh i pyrtuid wa jooh khut ya ki bynta ka Iran, Turkmenistan wa Afghanistan.

Ya ki Video wa riñ kiwa em heini wa jia ye phi u pait heini wa wah.