Ha kani ka tayaw da mih pyrthai ka seiñ kieñ suloi thymme ka thaaiñ Bodo kawa da e pyrtuid kam ka United Liberation of Bodoland (ULB) kawa da ong toh kawa yaleh wow yoh ya ka Bodoland, kawa da maham leh wow tympdung bomb hapoh ka jylla Assam deiwa dawa pynlait leh ya u heh ka National Democratic Front of Bodo (NDFB) u Ranjan Daimary wa kiwi de ki dkhot ka NDFB kiwa chah kset patok.
Ya ini da e por ya ka sorkar Assam wow leh ko hapoh ka 1 tarik u Naichiphaw.
Ki pulit ka Assam ynne da hiar ki cha ka ktem kani ka seiñ kieñ suloi wa dang mih thymme wa em ha thaaiñ Ultapani ka Bodoland Territorial Region (BTR).
Neiliang u Special DGP L&O, u G.P. Singh da pyntip u wa heipor wa hiar ki pulit cha kani ka thaw da em i yasiat mar kylliang hapyrdi ki dkhot ka seiñ wa ki pulit.
Ha ini i yasiat da yap ar ngut ki dkhot kani ka seiñ wei da chem leh ya ar tylli ki Pistol wa ki Grenade ha ini i thaw.
